أحذر ترك العداد من غير شحن.. الكهرباء تكشف سبب اختفاء الرصيد وظهور المديونية

كشفت شركات الكهرباء سبب ظهور “مديونية” في العدادات مسبقة الدفع حتى في الشقق المغلقة أو اللي مفيهاش استهلاك فعلي للكهرباء.

وأكدت إن المديونية مش عطل ولا غرامة، لكنها عبارة عن فروق محاسبية ورسوم دورية بيتم خصمها تلقائيًا على بعض أنواع العدادات.

وأوضحت إن العدادات الكودية الخاصة بالعقارات المخالفة بدأت تطبق نظام “السعر الموحد” للكهرباء بدل الشرائح، بسعر يقارب 2.74 جنيه لكل كيلو وات/ساعة.

وأضافت إن العداد وقت الشحن بيراجع الاستهلاك السابق ويحسب فروق الأسعار، وده اللي بيظهر للمشترك تحت بند “مديونية”.

كما أشارت إلى وجود رسوم شهرية ثابتة بتتخصم حتى لو مفيش استخدام للكهرباء، منها خدمة العملاء ورسوم النظافة حسب كل منطقة.

ونصحت شركات الكهرباء المواطنين بمتابعة شاشة العداد والشحن بشكل دوري لتجنب تراكم فروق التسوية أو توقف الكارت عن العمل.